Gazment Bardhi, kreu i Grupit Parlamentar të Partisë Demokratike, ka reaguar ashpër pas deklaratave të ministrit socialist Niko Peleshi, i cili e dënoi incidentin fizik në Komisionin Hetimor të Shëndetësisë, ku deputetja Milva Ekonomi u shty nga deputeti demokrat Xhelal Mziu. Peleshi e konsideroi këtë veprim si një tejkalim të çdo kufiri dhe e dënoi cënimin fizik të Ekonomit, si dhe të tjera veprime dhune ndaj deputetëve, stafit të Kuvendit dhe Gardës.

Në përgjigjen e tij, Bardhi kritikoi ashpër mazhorancën, duke akuzuar se ajo po përpiqet të shesë dhunuesit si viktima dhe po përmbys realitetin e ngjarjeve. Urdhërojnë Gardën të dhunojnë opozitën dhe keqpërdorin deputetet e PS për të provokuar kolegët e tyre që janë në të drejtën e vet për tu mos u penguar pa ligj të ushtrojnë mandatin që i kanë dhënë qytetarët, dhe më pas thonë se duhet dialog.
Me dhunuesit nuk mund të ketë dialog, me antiligjin nuk mund të bisedosh, me provokuesit nuk mund të arsyetosh. Rezistenca dhe mosnënshtrimi është i vetmi mjet që i ka mbetur deputetëve të opozitës.

Apeloj çdo koleg të mazhorancës që privatisht e cilëson Edi Ramën si Saddam Hussein shqiptar, që të mos keqpërdoret kundër deputetëve të opozitës dhe të mos i nënshtrohen metodave autoritare të Edi Ramës kundër opozitës. Në të kundërt, shumë shpejt do jetë rradha e tyre të jenë viktima të Saddam Hussein shqiptar – Edi Ramës.
Prej kohësh Edi Rama dhe metodat e tij antidemokratike kundër qytetarëve dhe opozitës janë shndërruar në një rrezik kombetar”, thekson Bardhi.