Gjatë një konference për shtyp, presidenti turk, Recep Tayyip Erdogan, dhe kryeministri shqiptar, Edi Rama, kanë shpallur rëndësinë e bashkëpunimit mes dy vendeve. Erdogan theksoi se “Shpresojmë ta vijojmë luftën tonë kundër FETO-s, me deklaratën që kemi firmosur sot.”

‘Dhuratë nga populli turk për vëllezërit dhe motrat tona’, kështu e ka cilësuar presidenti turk Recep Erdogan, xhaminë e Namazgjasë.Ai u shpreh se, ajo do të jetë më e madhja në Ballkan.

“Do të hapim xhaminë që është dhuratë e jona për motrat dhe vëllezërit tanë shqiptar dhe falenderojmë ata që kontribuan në këtë proces. Ajo është xhamia më e madhe në Ballkan dhe do të jetë vendi ku do të lulëzoj ndenja e paqes dhe solidaritetit. Dua të falenderojë Ramën dhe vendimet që do të marrim të jenë të dobishme dhe vendimet që kemi marr do të jenë të dobishme për të dyja vendet tona”, tha ai.

Nga ana e tij, Rama vlerësoi ndihmën e Turqisë, duke përmendur se ajo ka dhuruar një numër të konsiderueshëm dronësh kamikazë për ushtrinë shqiptare. “E çmoj dhuratën e presidentit Erdogan në këto kohë të trazuara, ku bota ka marrë një drejtim të çuditshëm. Ky është një mesazh i qartë i Turqisë për marrëdhëniet tona, që Shqipëria është e pagoditshme,” tha Rama.

Pas takimit kokë më kokë në Kryeministri, të dy liderët pritet të marrin pjesë sot pasdite në inaugurimin e xhamisë së Namazgjasë, një ngjarje që thekson lidhjet kulturore dhe historike mes Shqipërisë dhe Turqisë.