Këngëtarja e njohur dhe shumë e dashur për publikun shqiptar, Dafina Zeqiri, së bashku me partnerin e saj, Kreshnik Gjergji, janë në prag të një dasme të madhe për të kurorëzuar dashurinë e tyre. Mikeshat e ngushta të Dafinës kanë organizuar një festë beqarie si një surprizë të paharrueshme për të. Ky moment special u zhvillua pa dijeninë e Dafinës, e cila u befasua dhe surprizua pa masë.
Një element që e bëri festën edhe më të veçantë ishte “prania” simbolike e Kreshnikut. Mikeshat e Dafinës kishin gjetur një mënyrë kreative për ta përfshirë atë në festë, duke krijuar një portret të tij, i cili ishte i pranishëm gjatë gjithë mbrëmjes. Kjo iniciativë solli një atmosferë të ngrohtë dhe festive, duke festuar kështu dashurinë e çiftit para ditës së madhe.
