Një incident i dhunshëm ka ndodhur pasditen e kësaj të shtune në Tiranë, konkretisht në rrugën “4 Dëshmorët”. Sipas informacioneve, shtetasi E. Xh., rreth 40 vjeç, dyshohet se pas një konflikti të çastit ka goditur me thikë shtetasin A. D., 60 vjeç.
Si rezultat i këtij akti, 60-vjeçari ka pësuar dëmtime dhe aktualisht ndodhet në spital, ku është duke marrë kujdesin e nevojshëm mjekësor. Ndërkohë, autori i dyshuar, E. Xh., është shoqëruar në komisariat për hetime të mëtejshme mbi rrethanat e ngjarjes.
Grupi hetimor ka mberritur në vendngjarje dhe është duke punuar për të sqaruar detajet e incidentit dhe për të përcaktuar motivet e konfliktit që çuan në këtë plagosje. Autoritetet po mblidhen prova dhe dëshmi për të ndihmuar në hetimin e kësaj ngjarjeje të rëndë.
