Reperi i njohur Eminem ka bërë bujë në median sociale duke njoftuar se vajza e tij, Hailie, është shtatzënë. 51-vjeçari e shpalli këtë lajm të ëmbël përmes projektit të tij muzikor “Temporary”. Hailie Jade Mathers, e cila është në pritje të një djali me bashkëshortin e saj Evan McClintock, konfirmoi gjithashtu këtë ngjarje emocionuese në podcastin e saj “Just A Little Shady”.

Lajmi i shtatzënisë u shpall fillimisht në videoklipin e babait të saj, ku Hailie shfaq një moment prekës duke i dhënë Eminemit një bluzë blu me mbishkrimin “Gjyshi 1” në anën e pasme, si dhe fotografinë e ekos së saj. Gjatë podcastit, ajo hodhi një tullumbace të mbushur me konfeti blu, duke shpallur: “Është djalë! Edhe ne jemi shumë të emocionuar.”

Sipas burimeve të brendshme, Eminem është shumë i lumtur që do të bëhet gjysh për herë të parë dhe po fokusohet në një jetë më të qetë. Burimet treguan për revistën People se reperi është bërë shumë mbrojtës ndaj Hailie, e cila ka luajtur një rol të rëndësishëm në jetën e tij, veçanërisht tani që ata jetojnë afër njëri-tjetrit.