Presidenti i Partisë së Lirisë, Ilir Meta, ka dënuar ashpër ngjarjen e rëndë në Kuvendin e Shqipërisë, ku deputeti Luan Baçi është pretenduar se është kërcënuar me armë nga një efektiv i policisë.

Meta shprehet se “Dënoj me ashpërsinë më të madhe kërcënimin me armë zjarri dhe kanosjen me jetë të deputetëve të opozitës, në ambientet e Kuvendit, nga Narkopolicia.” Ai e cilëson këtë akt si “shumë të rëndë kriminal dhe antiligjor” dhe si një dëshmi tronditëse të inkriminimit të strukturave të Policisë së Shtetit.

Ish-kryeministri thekson se kjo ngjarje tregon fytyrën kriminale të Narkoshtetit, i cili, sipas tij, “jo vetëm burgos dhe përndjek politikisht opozitën, por edhe e kërcënon me jetë.” Ai e përfundon deklaratën e tij duke thënë se përballë kësaj situate, “e vetmja alternativë mbetet përballja dhëmb për dhëmb deri në përmbysje.”