Ish-banorja e “Big Brother VIP 3”, Dea Vieri, ishte sot e ftuar në emisionin “Wake Up”, ku ndau disa detaje rreth jetës së saj personale. Kur u pyet nëse ka gjetur “partnerin ideal”, ajo u shpreh se aktualisht po del me dikë që mendon se është ai.
“Me thënë të drejtën unë jam duke dalë me dikë, partneri ideal për mua, për momentin po. Mendoj se ai është partneri im ideal, por jeta është gjithmonë e gjatë, dalin surpriza. Ndoshta rrugës i njeh një kualitet që ndoshta nuk ia kishe vënë re më përpara. Me aq sa gjykoj unë, për momentin çdo gjë është ok,” tha Dea.
I pyetur se ku e ka njohur djalin, Vieri theksoi se e ka njohur përmes miqve të përbashkët. Ajo e preferon këtë mënyrë, duke e quajtur atë më autentike. “Mua më pëlqen më shumë kjo mënyra se të jep atë kontaktin e parë. Edhe nga energjia që merr. Mund të ndodhë se kur flet me një njeri online, ai është shumë i zoti me mesazhe, pastaj kur të ulet në tavolinë ka një energji të keqe,” përfundoi ajo.
