Presidenti serb, Aleksandar Vuçiç, zhvilloi një bisedë telefonike me presidentin rus, Vladimir Putin, për herë të parë pas dy vite e gjysmë. Vuçiç falënderoi veçanërisht Putinin për sigurimin e sasisë së mjaftueshme të gazit për Serbinë gjatë dimrit. Në një video-mesazh të postuar në rrjetet sociale, Vuçiç theksoi se Serbia, edhe pse kandidate për anëtarësim në BE, nuk do të vendosë sanksione ndaj Rusisë për shkak të pushtimit të Ukrainës.
Gjatë bisedës, Vuçiç riafirmoi qëndrimin e Serbisë për të mos ndërmarrë sanksione kundër Rusisë, ndërsa Kremlini vlerësoi marrëdhëniet dypalëshe si të bazuara në pika të përbashkëta kulturore dhe historike.
