Ish-modelja Stacey Williams ka hedhur akuza të rënda ndaj kandidatit për president, Donald Trump, duke pretenduar se ai e ka ngacmuar seksualisht gjatë një feste Krishtlindjesh në “Trump Tower” në vitin 1993. Williams, e cila ka folur për “The Guardian”, thotë se pas një përshëndetjeje nga Trump, ai e tërhoqi drejt tij dhe filloi ta përkëdhelte.

“Vendosi duart e tij në gjoksin tim, në bel dhe të pasmet,” tregon ish-modelja, e cila shprehet se ka qenë e hutuar për ato që po ndodhnin.

Në përgjigje të këtyre akuzave, zëdhënësja e fushatës së Trump, Carolyn Levitt, e mohoi kategorikisht pretendimin e Williams. Ajo tha: “Këto pretendime, të bëra nga një ish-mbështetëse e Barack Obamës dhe të shpallura në një telefonatë të fushatës së Harris dy javë para zgjedhjeve, janë krejtësisht të rreme. Është e qartë se kjo histori e rreme është sajuar nga fushata e Harris.”