Një aksident i rëndë në punë ka ndodhur në fshatin Tarazh të Mirditës, ku një 38-vjeçar, Arbër Caka, ka humbur jetën tragjikisht. Ngjarja ka ndodhur gjatë riparimit të një defekti hidraulik në fadromën e tij, kur aksidentalisht kova e fadromës ka rënë dhe e ka goditur atë, duke rezultuar në vdekjen e menjëhershme.

Policia ka mbërritur në vendngjarje për të hetuar rrethanat e këtij aksidenti të rëndë, i cili ka tronditur komunitetin lokal. Ende nuk dihen detaje të tjera për mënyrën se si ka ndodhur ngjarja.

Njoftimi i Policisë:

“Shtetasi A.C, 38 vjeç, banues në Rrëshen, duke riparuar një defekt hidraulik të kovës së fadromës së tij, aksidentalisht ka pësuar goditjen nga kova e fadromës, duke i shkaktuar vdekjen në vendngjarje.”

Grupi hetimor po kryen veprimet për sqarimin e rrethanave dhe dokumentimin ligjor të rastit. Kjo tragjedi nxjerr në pah rrezikun e punëve fizike dhe nevojën për të zbatuar masa të sigurta në vendet e punës.