Një aksident i rëndë ka ndodhur në aksin Lezhë-Laç, ku dy automjete janë përplasur me njëra-tjetrën. Pas goditjes së fortë, njëra nga makinat ka përfunduar në kanal në anë të rrugës.

Sipas burimeve në vendngjarje, në automjetin që goditi murin rrethues kanë mbetur të plagosur dy persona, të cilët janë dërguar menjëherë në urgjencën e Spitalit Rajonal të Lezhës për trajtim mjekësor.

Për të ndihmuar në situatë, është dashur ndërhyrja e policisë, punonjësve zjarrfikës dhe banorëve për të nxjerrë të dëmtuarit nga automjeti që kishte përfunduar në kanal. Aktualisht, policia ndodhet në vendngjarje dhe po punon për të zbardhur shkaqet e plota të këtij aksidenti.