Gloria Meshi, partnerja e djalit të Valbona Selimllarit, së fundmi ka folur për marrëdhënien e saj me vjehrrën e njohur. Në një intervistë të fundit, modelja ka zbuluar se marrëdhënia e tyre është shumë e ngrohtë dhe se e vlerëson shumë ish-misin për përkushtimin që ka treguar ndaj familjes dhe edukimit të fëmijëve.

“Marrëdhëniet i kemi shumë të mira; është shumë e dashur, shumë e mirë, ashtu siç e njohin të gjithë,” u shpreh ajo.

Gjithashtu, Gloria, ish-banorja e “Ferma VIP”, shtoi se cilësia më e vlerësueshme e Valbonës është pikërisht edukimi i fëmijëve të saj. “Pikën më të madhe e ka ajo për edukimin kaq të mirë që u ka bërë fëmijëve, sepse është një djalë shumë i edukuar. Dhe unë gjithmonë i them atij, ji falënderues për mamanë që ke.”

Kur u pyet për mbështetjen e Valbona Selimllarit në rastet kur ajo dhe i biri kanë një debat, Gloria u përgjigj duke thënë: “Mban anën e së drejtës, duke qenë se edhe ne nuk debatojmë; na zgjat vetëm 5 minuta dhe për 5 minuta s’ke çfarë ane të mbash.”