###
Në seancën plenare të sotme pritet të zhvillohet betimi i dy deputetëve më të rinj në Kuvendin e Shqipërisë. Andrea Mane do të marrë mandatin e deputetit, duke zëvendësuar Ervin Salianjin, i cili është dënuar me një vit burg. Mane hyn në Kuvend si përfaqësues i opozitës.

Gjithashtu, betimin do ta bëjë edhe Erjon Mekaj, i cili do të zëvendësojë ish-deputetin socialist Jurgis Çyrbja. Çyrbja dorëzoi mandatin pak ditë më parë, përpara se të merrej i pandehur nga Prokuroria e Posaçme. Mekaj ka qenë në listën e kandidatëve të Partisë Socialiste në zgjedhjet e vitit 2021 dhe pritet të përfaqësojë shumicën në Kuvend.

Ky ndryshim vjen në një moment të rëndësishëm për Kuvendin, pasi të dy deputetët e rinj do të marrin pjesë në diskutimet dhe vendimmarrjet e ardhshme parlamentare.