Lionel Messi, legjenda e Barcelonës dhe aktualisht sulmues i Inter Miami, ka treguar se nuk e ka harruar klubin e tij të dikurshëm pas fitores mbresëlënëse 4-0 të Blaugranave ndaj Real Madridit në “El Clasico”-n e parë të sezonit. Pas këtij triumfi, Messi reagoi në Instagram, duke komentuar: “Sa fitore e bukur!!!”, duke emocionuar tifozët e Barcelonës.
Ky koment mori më shumë se një milion “like”, duke treguar lidhjen e fortë që Messi vazhdon të ketë me klubin dhe tifozët e tij. Fitorja e Barcelonës jo vetëm që rrit moralin e skuadrës, por gjithashtu i konsolidon ata në krye të La Liga-s, me një epërsi prej 6 pikësh ndaj rivalëve të tyre të përbetuar.
Përveç Messi-t, shumë ish-lojtarë të njohur të Barcelonës, si Luis Suarez, Andrés Iniesta, Gerard Piqué, Jordi Alba, dhe Sergi Roberto, gjithashtu shprehën gëzimin e tyre për këtë fitore historike, duke postuar mesazhe dhe fotografi në rrjetet sociale. Kjo ngjarje ka shkaktuar një valë krenarie dhe entuziazmi mes tifozëve të Barcelonës, të cilët shijuan një nga sukseset më të mëdha të klubit në “Santiago Bernabeu”.
