Thomas Waitz, eurodeputeti që mbërriti mëngjesin e së martës në Shqipëri, ka ndarë disa detaje nga biseda e tij me Kryeministrin Edi Rama. Ai e përshkroi këtë moment si humoristik, duke cituar Ramën që tha: “Po ju vezhgoj! E di çfarë po bëni.”
Kjo frazë miqësore u tha gjatë takimit të Kryeministrit me delegacionin e Bashkimit Evropian, i cili u akomodua në një hotel në Tiranë. Delegacioni mbërriti për të mbajtur takimin e 18-të të Komitetit të Stabilizim-Asociimit BE-Shqipëri (SAPC). Ky forum zyrtar ka për qëllim të vlerësojë progresin në marrëdhëniet mes BE-së dhe Shqipërisë dhe të përcaktojë prioritetet për të ardhmen, duke nënvizuar rëndësinë e dialogut të vazhdueshëm mes dy palëve.
