Në një intervistë televizive për protestën e thirrur nga opozita, e cila përbën aktin e dytë të mosbindjes civile, kreu i PBDNJ-së, Vangjel Dule, e cilësoi protestën si sensibilizuese për qytetarët. Sipas tij, kërkesat e opozitës tashmë nuk janë vetëm të një grupi parlamentar apo të disa partive politike, por kanë kaluar në një dimension të gjerë qytetar.

“Këto nuk janë më kërkesa të një grupi parlamentarësh apo partish politike, por kërkesat kanë kaluar kufijtë e sensibilizimit dhe ndjeshmërinë e qytetarëve,” tha Dule. Ai theksoi se situata e tanishme në vend është e tillë që “çdo qelizë e këtij shteti është e kapur nga një individ i vetëm,” duke nënvizuar se kjo po i shtyn qytetarët drejt një reagimi më masiv dhe intensiv.