Alternime kthjellimesh dhe vranësira kalimtare do të dominojnë në territor, ku më të dukshme vranësirat do të paraqiten në rajonin verior.

Mesdita dhe pasditja sjellin zhvillim të vranësirave duke gjeneruar shira të përkohshëm në Ekstremin Verior-Verilindor.

Këto kushte atmosferike përmirësohen gjatë mbrëmjes dhe natës duke ri-kthyer sërisht motin e kthjellët.

Sipas Meteoalb, sot temperaturat do të kenë një rënie të lehtë ku do të variojnë: në zonat malore, nga 07°C në 16°C, në zonat e ulëta nga 14ºC në 25°C dhe në zonat bregdetare nga 16°C në 26°C.

Era do fryjë mesatare por forcohet herë pas here me shpejtësi 55 km/h nga drejtimi Veriperëndimor duke gjeneruar në det dallgëzim 5 ballë.