Pesë grabitës janë arrestuar brenda një depozite ari në lagjen Salamanca të Madridit. Sipas mediave vendase, të arrestuarit janë në moshë nga 30 deri në 45 vjeç, përfshirë dy shqiptarë dhe tre spanjollë.

Policia njoftoi se grupi u kap të dielën gjatë një tentative grabitjeje në një kompani që merret me shitjen e arit dhe ka në magazinë metale të çmuara, monedha dhe sende të tjera me vlerë të madhe.

Banorët e lagjes ishin ata që vënë re autorët, të cilët kishin hapur një vrimë më shumë se 60 centimetra në murin e godinës, duke u futur në katin e sipërm të pallatit. Të veshur me kapele dhe doreza, grabitësit ishin të befasuar nga prania e policisë.

Gjatë operacionit, policia zbuloi një automjet të parkuar në afërsi, brenda të cilit gjendeshin materiale të tjera dhe targa që dyshohet se janë të vjedhura. Ky incident ka shkaktuar shqetësim në komunitet dhe ka nxjerrë në pah nevojën për masa të forta sigurie ndaj aktiviteteve kriminale.