Përmbytjet më të rënda të Spanjës në historinë moderne kanë marrë jetën e të paktën 211 personave, ndërsa dhjetëra të tjerë mbeten ende të zhdukur katër ditë pas përmbytjeve në Valencia. Kryeministri Pedro Sanchez deklaroi se qeveria ka mobilizuar 5,000 trupa shtesë për kërkim-shpëtim, krahas 2,500 ushtarëve të dislokuar më parë, duke e bërë këtë operacionin më të madh të ushtrisë spanjolle në kohë paqeje.

Në një deklaratë televizive, zoti Sanchez tha se qeveria po dërgonte 5,000 trupa të tjera të ushtrisë për të ndihmuar në operacionet kërkim-shpëtimit si dhe për pastrimin e zonave të përmbytura, krahas 2,500 ushtarëve të dislokuar tashmë.
“Është operacioni më i madh i Forcave të Armatosura të Spanjës në kohë paqeje”, tha zoti Sanchez. “Qeveria do të mobilizojë të gjitha burimet për aq kohë sa të jetë e nevojshme”, shtoi ai.

Kjo katastrofë natyrore konsiderohet si më e rënda që ka goditur Evropën që prej përmbytjeve të vitit 1967 në Portugali, ku humbën jetën mbi 500 persona.

Pavarësisht situatës së rënduar, ekipet e shpëtimit arritën të nxjerrin të gjallë një grua e cila kishte mbetur e bllokuar për tre ditë në një park makinash në Montcada. Ky shpëtim i rriti shpresat për gjetjen e të mbijetuarve, ndërsa shkencëtarët paralajmërojnë se fenomene të tilla ekstreme do të shfaqen gjithnjë e më shpesh për shkak të ndryshimeve klimatike dhe ngrohjes së Mesdheut.