Një ngjarje tronditëse ka ndodhur në kryeqytetin e Kosovës, Prishtinë, ku dyshohet se një vajzë 14-vjeçare ka qenë viktimë e dhunës nga disa persona. Sipas burimeve nga Sinjali, e mitura është detyruar fillimisht të konsumojë substanca narkotike nga agresorët.

Ngjarja ka ndodhur në një objekt në ndërtim në rrugën “Tirana” në Prishtinë. Policia është njoftuar për rastin pasi vajza është gjetur në një rrugë të qytetit në orët e para të mëngjesit.

Me urdhër të Prokurorit të Shtetit, është nisur një hetim dhe po kryhen veprimet e nevojshme për zbardhjen e rrethanave dhe identifikimin e përgjegjësve.