Policia e Shtetit ka nisur një operacion në Krujë dhe në fshatrat përreth për zbulimin dhe parandalimin e kultivimit të lëndëve narkotike, ndërkohë që janë shoqëruar disa persona.

Policia e Shtetit po zhvillon operacionin për kontrollin e territorit në zonën e Niklës, si dhe në sera, magazina, banesa e zona të pyllëzuara.

Kontrollet po ushtrohen në terren, në sera dhe magazina, ndërsa raportohet se deri më tani janë sekuestruar kubikë dhe fidanë kanabisi.

Në operacion marrin pjesë Forcat Renea, FNSh e Tiranës, FNSh Fier dhe Policia e Durrësit.

Deri tani në Polici janë shoqëruar 10 persona , ndërsa janë evidentuar kubikë e fidane.

Në drejtim të operacionit është Drejtori i Përgjithshëm i Policisë së Shtetit Ardi Veliu, Drejtori i Departamentit të Policisë Kriminale Tonin Vocaj dhe Drejtori i Departamentit të Sigurisë Publike Gjovalin Loka.