Policia italiane ka arrestuar dy shqiptarë, të cilët akuzohen për trafikim lëndësh narkotike, pas një hetimi të zhvilluar në qytetin e Vicenza. Arrestimet pasuan një denoncim nga disa qytetarë, të cilët kishin vënë re praninë e shumë të rinjve pranë një pallati, dhe dyshonin për aktivitete të dyshimta. Policia ndërmori një kontrolle të menjëhershme në banesën e dy shqiptarëve, ku u zbuluan prova që lidhen me trafikimin e drogës.

Shqiptarët e arrestuar, KE dhe KX, të moshave 55 dhe 38 vjeç, u gjetën me 8.50 gramë kokainë, material prerës, material ambalazhi, një peshore elektronike dhe një shumë prej 2200 euro. Të dy ata u arrestuan dhe po përballen me akuza për veprën penale “Trafikim i lëndëve narkotike”.