Kreu i Partisë Demokratike, Sali Berisha, ka dhënë një intervistë për median italiane “Rai3”, ku ka komentuar gjendjen e opozitës në Shqipëri dhe marrëveshjen e fundit të qeverisë shqiptare me Italinë, lidhur me emigrantët.

Gjatë bisedës me gazetarin, Berisha shprehu kundërshtimin e tij për marrëveshjen “Meloni-Rama”, duke theksuar se ajo ishte e pranueshme vetëm për shtetin shqiptar dhe jo për të drejtat e njeriut. Sipas Berishës, ky ishte një marrëveshje shumë e fshehtë, e cila përfaqësonte një lëvizje të papranueshme për Shqipërinë.

Në intervistën e zhvilluar në gjuhën italiane, Berisha u shpreh se vazhdon betejën e tij për vlerat dhe parimet që mbron, duke theksuar se kauza e tij është e drejtë. Kur u pyet nëse ligji shqiptar e lejonte të zhvillonte intervistën, Berisha tha se mund ta bënte në përputhje me ligjin shqiptar, por jo sipas vendimeve të “skllevërve të Edi Ramës”.

Ai komentoi edhe marrëdhënien me Giorgia Melonin, duke thënë se ka admiruar politikanen italiane për suksesin e saj elektoral. Megjithatë, ai e quajti marrëveshjen me Ramën si një manovër të një politike që ka për qëllim forcimin e pushtetit të Edi Ramës. Ai shtoi se marrëveshja e dy qendrave për emigrantët është një provë e dështuar e politikës së eksternalizimit të kufijve.

Në fund të intervistës, Berisha theksoi se Shqipëria është nën një regjimi diktatorial, ku qytetarët nuk kanë mundësinë të shprehin vullnetin e tyre lirisht dhe shtoi se Partia Demokratike do të luftojë me të gjitha forcat për të siguruar që shqiptarët të kenë të drejtën për të votuar si qytetarë të lirë.