Një grabitje e fuqishme është regjistruar gjatë natës në Krujë, ku një bankomat i vendosur në hyrje të rrugës së kalasë ka rënë pre e një akti kriminal. Sipas informacioneve të marra, bankomati është shkatërruar nga një shpërthim i fuqishëm, i shkaktuar nga një sasi eksplozivi, nga persona ende të paidentifikuar. Në këtë fazë, ende nuk ka informacion nëse autorët kanë mundur të sigurojnë paratë që ndodheshin brenda bankomati.

Ngjarja ka ndodhur rreth orës 02:00 të mëngjesit, kur shpërthimi ka tronditur zonën. Hetimet dyshojnë se autorët janë larguar nga vendi i ngjarjes duke përdorur një motor dhe kanë kaluar nëpër një rrugë dytësore poshtë kalasë. Për të parandaluar ndërhyrjen e shpejtë të policisë, grabitësit kanë shpërndarë kunja artizanale përgjatë rrugës, të cilat shpojnë gomat e mjeteve, duke e bërë ndjekjen më të vështirë.