Sekretari i Përgjithshëm i Partisë Demokratike, Flamur Noka, ka bërë thirrje për intensifikimin e aksionit politik dhe përdorimin e mosbindjes civile si mjet për arritjen e një qeverie teknike. Gjatë një takimi në Rrogozhinë dhe Kavajë, Noka theksoi se ky aksion është mënyra e vetme për të sjellë një ndryshim dhe për të siguruar një qeveri që do të ofrojë drejtësi dhe barazi për çdo qytetar.

Noka kritikoi ashpër buxhetin e vitit 2025, duke e cilësuar atë si të fundit të kësaj qeverie dhe si një buxhet të hajdutërisë, ndërsa vuri në dukje se pensionistët po përballen me një situatë të pasigurt, përkundër rritjeve të pensioneve në Kosovë. Ai premtoi se kur opozita të vijë në pushtet, minimumi jetik në Shqipëri do të jetë 200 euro dhe paga minimale do të arrijë në 500 euro.

“Ne kemi në dorë që të sjellim drejtësinë dhe barazinë para ligjit për çdo qytetar. Ky është momenti për të ngrihesh dhe për të rritur aksionin, sepse vetëm duke qenë afër qytetarëve mund të sigurojmë ndryshimin që Shqipëria ka nevojë”, përfundoi Noka.