Në ditëlindjen e saj të 31-të, këngëtarja Sheila Haxhiraj ka ndarë dhimbjen e thellë për humbjen e vëllait të saj, Henri Haxhiraj, i cili ndërroi jetë në mënyrë tragjike më 15 tetor të këtij viti. Në një dedikim të ndjerë të shoqëruar me një këngë që përmban vargje prekëse, Sheila ka treguar plagën që kjo humbje ka lënë në zemrën e saj dhe të familjes.

Në pjesë nga kënga, Sheila shprehet:
“O engjëlli im je drita në errësirë, ta dish sa malli më ka marrë nuk po të them dot lamtumirë. Çdo ditë mami të kërkon se zemrën ia ke ti, babi qan me foton a po më vjen djali në shtëpi.”

Ngjarja e rëndë ndodhi më 15 tetor në banesën e Henrit, në zonën e “Qytetit Studenti” në Tiranë. 36-vjeçari qëlloi veten me armë zjarri dhe, pavarësisht përpjekjeve të mjekëve, ndërroi jetë disa orë më vonë në spital.

Sheila ka ndarë publikisht dhimbjen për vëllain e saj, duke theksuar boshllëkun dhe mallin që ai ka lënë pas. Ajo u ka bërë thirrje ndjekësve të jenë më të ndjeshëm dhe të ofrojnë mbështetje për ata që përballen me sfida të shëndetit mendor.

Ikja e papritur e Henrit ka tronditur jo vetëm Sheilën, por edhe të gjithë ata që e njohën, duke lënë një boshllëk të thellë në familjen e tij.