Prokuroria ka ashpërsuar akuzën për autorin e dyshuar të vrasjes së 14-vjeçarit Martin Cani, duke e akuzuar atë për “vrasje në rrethana cilësuese” në vend të “vrasjes me dashje”, siç e kishte referuar fillimisht Policia. Përveç kësaj, mbi të miturin rëndon edhe akuza e “mbajtje pa leje të armëve të ftohta”.
Ngjarja tragjike ka ndodhur më 18 nëntor 2024, kur, pas një konflikti mes adoleshentëve, Martin Cani u vra dhe shoku i tij mbeti i plagosur nga Msrio Perlleshaj. Rasti u zhvillua vetëm 200 metra larg shkollës 9-vjeçare “Fan Noli” dhe ka shkaktuar një alarm të madh për sigurinë nëpër shkolla.
Akuzat e rënduara dhe ngjarja e dhimbshme kanë shtuar shqetësimin për rrezikun e dhunës mes të rinjve dhe nevojën për masa më të rrepta sigurie në institucionet arsimore.
