Autoritetet në Republikën Domenikane kanë arrestuar një të ri shqiptar, pasi dyshohet se ka tentuar të trafikojë kokainë drejt Madridit, Spanjë. Drejtoria Kombëtare e Kontrollit të Drogës (DNCD) ka njoftuar se shqiptari, 29 vjeç, u ndalua pas një kontrolli me rreze X të bagazheve të tij, ku u zbulua droga e fshehur.

Gjatë kontrollit të dy valixheve, në të parën u gjetën 19 pako kokainë, ndërsa në të dytën, një tjetër çantë shpine me 21 pako kokainë. Përveç drogës, autoritetet sekuestrojnë një çantë me 36,100 pesos domenikan dhe një iPhone që i përkisnin shqiptarit. Prokuroria dhe DNCD kanë nisur një hetim për të përcaktuar nëse ka individë të tjerë të përfshirë në trafikun e drogës.

I arrestuari është dorëzuar në polici për ndjekje penale dhe po vazhdon hetimi për rastin.