Kristina Beqiri, e njohur në rrjetet sociale me emrin “Kristjaahh”, ka tentuar t’i japë fund jetës dhe është dërguar me urgjencë në spitalin e Traumës në Tiranë. Sipas informacioneve, bullizimet dhe komentet negative që ajo ka marrë në platforma të ndryshme sociale kanë ndikuar thellësisht në shëndetin e saj mendor. Kristina shpesh ka ndarë përvojat e saj dhe ndjenjat në lidhje me ndikimin që kanë komentet e dëmshme tek ajo, veçanërisht ato që shpesh e quajnë si “vajzë që vjedh pensionet e të moshuarve.” Këto komente dhe bullizimi i vazhdueshëm kanë luajtur një rol të rëndësishëm në shtyrjen e saj për të marrë këtë vendim drastik.

Vetëm disa orë para incidentit, Kristina kishte shpërndarë disa postime në Instagram, ku kërkonte nga ndjekësit e saj që të mos e dëmtonin më me shpifje dhe akuza të padrejta ndaj saj. Ajo e kishte theksuar se shpifjet dhe kritikat e vazhdueshme e kanë bërë që të ndjehet psikologjikisht e shkatërruar. Pas marrjes së kujdesit të menjëhershëm mjekësor, Kristina raportohet të jetë jashtë rrezikut për jetën, por ngjarja ka sjellë shqetësime të mëdha në lidhje me ndikimin e bullizmit në jetën e individëve të njohur në rrjetet sociale.