Adriatik Lapaj, lider i Lëvizjes “Shqipëria Bëhet”, zhvilloi sot një takim të rëndësishëm me fermerët dhe blegtorët në Bashkinë Roskovec. Gjatë këtij takimi, ai riafirmoi angazhimin e tij për mbështetje të fortë ndaj këtij sektori, duke theksuar rëndësinë e zhvillimit të qëndrueshëm dhe rritjes së prodhimit bujqësor dhe blegtoral në vend.
Lapaj prezantoi pikat kryesore të programit të tij, i cili synon të sjellë ndikim të drejtpërdrejtë dhe pozitiv në jetën e fermerëve dhe blegtorëve, duke siguruar mbështetje konkrete dhe mbizotëruese për ata që janë shtylla e ekonomisë rurale. Ai theksoi se është koha për të adresuar sfidat që ata përballen dhe për të ofruar mundësi reale për rritje dhe zhvillim të këtij sektori.
Postimi:
Koha për të investuar tek dora që ushqen Shqipërinë!
Sot ishim në Bashkinë Roskovec, në një tjetër takim frymëzues me fermerët dhe blegtorët e zonës.
Riafirmuam angazhimin për të qenë pranë fermerëve dhe blegtorëve, duke shpalosur pikat e programit tonë që sjellin ndikim real në jetën dhe prodhimin e tyre.
#shqiperiabehet
