Ish-kryeministri Sali Berisha ka njoftuar protestën e radhës të organizuar nga opozita, e cila do të zhvillohet më 26 nëntor në Tiranë. Në një konferencë për mediat, ai ftoi të gjithë qytetarët shqiptarë të bashkohen në këtë marshim, duke e cilësuar si protestën më të fuqishme që ka njohur Shqipëria.

“Në datë 26 është protesta tjetër kombëtare, më e fuqishme që ka njohur Shqipëria. Ndaj ftoj shqiptarët, në datën 26 marshim në Tiranë. E gjithë Shqipëria në Tiranë. Mosbindja civile është rruga e vetme e ndarjes nga kjo diktaturë”, u shpreh Berisha.

Kujtojmë se protesta e fundit e opozitës u mbajt më 19 nëntor, kur ata u mblodhën para Kuvendit të Shqipërisë për të kundërshtuar miratimin e buxhetit të vitit 2025.