Sekretari i Përgjithshëm i NATO-s, Mark Rutte, do të vizitojë nesër kryeqytetin turk, Ankaranë, për takime me liderët turq, përfshirë presidentin Rexhep Tajip Erdogan, Ministrin e Punëve të Jashtme Hakan Fidan dhe Ministrin e Mbrojtjes Yasser Guler.

Gjatë takimeve të tij, Rutte pritet të diskutojë disa çështje të rëndësishme me palën turke, përfshirë praninë e grupit kurd PYD dhe milicisë së Forcave Demokratike Siriane (SDF), të mbështetur nga SHBA, që Turqia i konsideron si lidhje me PKK-në dhe organizata terroriste. Udhëheqja turke gjithashtu do të diskutojë për mundësinë e një rol ndërmjetësues të Turqisë në luftën mes Ukrainës dhe Rusisë, si dhe për marrëdhëniet dypalëshe, veçanërisht pas ndryshimeve të mundshme në politikën transatlantike me ardhjen në pushtet të Donald Trump në SHBA.

Në kuadër të vizitës së tij, Rutte do të takohet me përfaqësues të industrisë turke të mbrojtjes dhe do të vizitojë objektet e Industrisë Turke të Hapësirës Ajrore, të cilat janë bërë objekt sulmi terrorist së fundmi.

Përpara vizitës në Turqi, Mark Rutte u takua me presidentin e zgjedhur të SHBA-së, dhe ndalesa e tij e radhës do të jetë Athina.