Një darkë familjare përfundoi në tragjedi natën e së dielës në komunitetin Namislov të Polonisë jugperëndimore. Një burrë 32-vjeçar ka qëlluar dhe vrau prindërit dhe vëllain e tij, dhe më pas ka hyrë në shtëpinë e tij, duke mbajtur peng partneren e vëllait dhe dy vajzat e saj të moshës 5 dhe 7 vjeç.

Gruaja e arriti të shpëtonte dhe kërkoi ndihmë. Forcat speciale të policisë u dërguan në vendngjarje dhe një negociator i posaçëm u përpoq për orë të tëra që të bindte vrasësin të dorëzohej. Rreth orës 5 të mëngjesit, forcat speciale morën dritën jeshile për të bastisur shtëpinë. Pas shpëtimit të fëmijëve, ata u ballafaquan me personin e armatosur, i cili preferoi të jepte fund jetës së tij për të shmangur arrestimin.

Agjencia Polake e Lajmeve (PAP) raportoi se vrasësi përdori një armë që e kishte në pronësi ligjore. Autoritetet janë duke zhvilluar hetime për të zbardhur rrethanat e sakta të masakrës dhe motivin e vrasësit.