Qindra qytetarë janë mbledhur në protestë sot, pas tragjedisë që ndodhi me vrasjen e 14-vjeçarit Martin Cani nga shoku i tij i shkollës, një tjetër i mitur me inicialet M.P.. Protestuesit kërkuan që drejtësia të vihet në vend për këtë krim tragjik, duke shprehur dhimbjen dhe zemërimin e tyre për humbjen e një fëmije shembullor në shoqëri.

Një nga protestuesit, gjyshi i Martin Cani, u shpreh: “Ka qenë një humbje shumë e madhe që nuk po e përballojmë. Kërkoj që të vendoset drejtësia. Ka qenë fëmijë shembullor në shoqëri. Ne u dogjëm, mos të digjen edhe të tjerë. Do ta ndjek këtë çështje, ashtu siç ra Martini do të bie edhe unë.”

Protesta ka pasuar me thirrje për dënimin e autorit dhe me apel për sigurinë dhe drejtësinë për të rinjtë në shoqëri.