Gjatë protestës së mbajtur sot, nënkryetari i Partisë së Lirisë, Tedi Blushi, ka bërë një veprim të guximshëm duke hipur mbi autobotin me ujë të policisë, për të ndaluar avancimin e tij mbi protestuesit. Ai e përdori këtë veprim për të shprehur kundërshtimin ndaj dhunës që po ushtrohet nga forcat e rendit ndaj qytetarëve pa asnjë arsye të justifikueshme.

Në një deklaratë për mediat, Blushi e theksoi se protestuesit nuk kanë sulmuar policinë, por janë dhunuar nga forcat e rendit, duke përmendur rasti i një gruaje shtatzëne dhe një të moshuari 80-vjeçar që humbi ndjenjat nga dhuna.

“Ju vetë ra viktimë e dhunës. Pra deputetët po dënohen, gazetarët po dhunohet, gratë po dhunohen. Një grua shtatzënë u dhunua, një 80-vjeçar humbi ndjenjat. Kanë marrë urdhër për të dhunuar opozitën. Ta harrojnë që do të ikim nga ky shesh, ta harrojnë që ne do ikim nga sheshet e Shqipërisë. Ky është një betejë pa kthim deri në çmontimin e këtij regjimi kriminal që dhunon gratë shtatzëna, pleqtë dhe plakat, gazetarët, ju ratë pre e dhunës. A ka logjikë kjo,” tha Blushi.

Ai e përforcoi mesazhin e tij duke shtuar se protestuesit do të qëndrojnë të palëkundur dhe se ky regjim do të rrëzohet, duke bërë thirrje që autorët e masakrës në Shkodër të kapen dhe të përballen me drejtësinë.