Ambasadori i Bashkimit Evropian në Gjeorgji, Paëel Herczynski, shprehu zhgënjimin e tij për masën e fundit të qeverisë gjeorgjiane që ka ndalur efektivisht rrugën e vendit drejt anëtarësimit në BE deri në vitin 2028. Ai theksoi se ky vendim është në kundërshtim të drejtpërdrejtë me politikat e qeverive të mëparshme të Gjeorgjisë dhe dëshirat e shumicës së popullsisë gjeorgjiane.

“Ajo që ndodhi dje bie ndesh qartë me politikën e qeverisë së mëparshme të Gjeorgjisë, politikën e të gjitha qeverive të mëparshme të Gjeorgjisë, gjithashtu bie ndesh me dëshirat e shumicës dërrmuese të popullsisë së Gjeorgjisë. Për mendimin tim, është shumë e trishtueshme dhe zhgënjyese,” u shpreh Herczynski.

Vendimi ka nxitur protesta të mëdha, dhe Ministria e Punëve të Brendshme të Gjeorgjisë njoftoi se 43 persona janë arrestuar gjatë një demonstratë të gjerë të mbajtur të enjten në mbrëmje, kundër këtij vendimi të qeverisë.