Deputeti i PD, Flamur Noka në Komisionin e Sigurisë Kombëtare për situatën e sigurisë në vend ka ngritur shqetësimin teksa ka akuzuar policinë dhe Ministrinë e Brendshme se autorët nuk kapen e nuk zbulohen, por referuar dëshmisë së të penduar të drejtësisë, ai u shpreh se vetëm Nuredin Dumani ka zbuluar ngjarje dhe emra autorësh.

Noka ka ngritur alarmin dhe për zhdukjen pa gjurmë të të shumëkërkuarit Ervis Martinaj, për të cilin tha se “shteti ngre duart lart”.

“Është zhdukur një qytetar i një vendi e vetëm dëgjohen versione nga qytetarët e portalet e nga shteti e policia nuk jepet asnjë version. A është zhdukur, a është gjallë a ka ikur a mos është dhe ai këtu, pra të ndodhë një situatë e tillë nën këtë vend e shterti ngre duart përpjetë.

Të vriten njerëzit si lepujt e askush nuk zbulon e parandalon e askush nuk di se cfarë po ndodh e kush i bën kjo ndodh vetëm në Shqipëri.

Nëse qyetarët janë të alarmuar për gjendjen e rendit e sigursë zonja zv ministre nuk ia ndjen”, tha Noka.

Deputeti demokrat nënvizoi se qeveria duhet të sjellë pa vonesa dhe me urgjenë në Kuvend marrëveshjen për ekstradimet e shqiptarëve nga Dubai.

“Ratifikimi i kësaj marrëveshje askush nuk është kundër madje duhet urgjent pas ratifikimit të marrëveshjes duhet qeveria të sjellë urgjent, të negociojë e sjellë marrëveshjen për ekstradimin zonjë është urgjencë se ky vend me të cilin sot po diskutojmë lidhjen e marrëveshjes është bërë “foleja e grerëzave”, meqë keni qejf të flisni me kode. Me telefon apo mjete të tjera komandohet gjithe struktura e krimit të orangizuar nga atje.”