Nënkryetari i Partisë Demokratike, Agron Gjekmarkaj, ka dorëzuar dorëheqjen nga funksioni i tij pranë kryetarit të PD-së, Sali Berisha.

Dorëheqja e tij vjen si një gjest moral pas firmave të dhëna për Endri Shabanin, i cili u zgjodh me votëbesim në Kuvend si Avokat i Popullit. Megjithatë, vetë Berisha ka refuzuar dorëheqjen e Gjekmarkajt, duke e konsideruar të panevojshme largimin e tij nga rradhët e PD-së.

Lajmi u konfirmua edhe nga një status i anëtarit të kryesisë së PD-së, Bislim Ahmetaj, i cili bëri me dije dorëzimin e tërheqjes së Gjekmarkajt.

Ky veprim thekson tensionet brenda radhëve të PD-së pas zgjedhjes së Shabanit, por gjithashtu tregon vendosmërinë e kryedemokratit për të mbajtur stabilitetin dhe bashkëpunimin brenda partisë.