Bashkëshortja e kryebashkiakut të Tiranës, Erion Veliaj, Ajola Xoxa, është paraqitur këtë të mërkurë në Gjykatën e Posaçme Kundër Korrupsionit dhe Krimit të Organizuar (GJKKO), ku ka ankimuar sekuestrimin e llogarive të saj bankare nga SPAK.

Xoxa është nën hetim për korrupsion në 9 raste, pastrim parash dhe fshehje pasurie. Më herët, në seancën e 12 shkurtit, GJKKO ndryshoi masën e sigurisë ndaj saj nga “arrest shtëpie” në “detyrim paraqitjeje” dhe ndalim për t’u larguar jashtë vendit.

Seanca e sotme vjen në kuadër të hetimeve që SPAK po zhvillon ndaj saj dhe bashkëshortit të saj, Erion Veliaj. Mbetet për t’u parë vendimi i gjykatës mbi kërkesën e saj për lirimin e llogarive bankare.