Një aksident i rëndë ka ndodhur në afërsi të Universitetit “Aleksandër Xhuvani” në Elbasan, pas mesditës së sotme. Drejtuesja e një automjeti, 28-vjeçare, ka shkaktuar një përplasje me një mjet tjetër, i cili kishte targa angleze dhe drejtohej nga një femër me pasagjer të bijën.

Përplasja ka sjellë shkatërrimin pjesërisht të dy mjetet dhe ka bllokuar qarkullimin për 30 minuta. Në rezultat të aksidentit, nënë e bijë kanë mbetur të dëmtuara lehtë. Pas dokumentimit të provave, policia ka konstatuar se drejtuesja e automjetit shkaktar ishte në gjendje të dehur dhe është shoqëruar në komisariat për procedurat e mëtejshme.