Policia ka dalë me një njoftim zyrtar sa i takon aksidentit të rëndë të ndodhur në rrugën “Shkodër-Koplik” ku si pasojë e përplasjes së biçikletës nga një makinë, mbeti i vdekur një person.

Bëhet me dije se viktima është një femër e moshës rreth 35 deri në 40 vjeçe e cila ka qenë duke lëvizur me biçikletë në rrugën e cila është e pandriçuar.

Ndërkohë policia ka shoqëruar drejtuesin e mjetit, shtetasin, G.B 27 vjeç për kryerjen e procedurave të tjera proceduriale.

Shkodër/Informacion paraprak

Rreth orës 21:20, në aksin rrugor Shkodër-Koplik, në zonë të fshatit Shtoj, konkretisht në afërsi të një kompleksi sportiv, shtetasi G.B. 27 vjeç, banues në Shtoj, duke drejtuar automjetin e tij tip “Volkswagen”, ka aksidentuar një shtetase që lëvizte me biçikletë, ende e paidentifikuar, e seksit femër, rreth 35-40 vjeçe, e cila ka ndërruar jetë.

Drejtuesi mjetit është shoqëruar në ambjentet e DVP Shkodër për veprime të mëtejshme procedurale.

Grupi hetimor po vijon punën hetimore për sqarimin e rrethanave të aksidentit.