Mesditën e së mërkurës, tre automjete, përfshirë një furgon mallrash, u përplasën pranë mbikalimit të Ishull-Lezhës në aksin Lezhë-Milot. Si pasojë e përplasjes, tre persona u plagosën dhe u dërguan në spital, por fatmirësisht ndodhen jashtë rrezikut për jetën.
Qarkullimi në aks u rëndua ndjeshëm në të dyja kahët e rrugës, duke krijuar radhë të gjata automjetesh. Autoritetet policore po vijojnë hetimet për zbardhjen e plotë të shkaqeve të aksidentit.
