Një aksident ka ndodhur sot në aksin rrugor Fier-Seman, në vendin e quajtur “Ferma e Çlirimit”. Dy automjete janë përplasur, ndërsa njëri prej tyre ka përfunduar në kanal. Si pasojë e aksidentit, drejtuesi i automjetit “Mercedes”, një 69-vjeçar, ka mbetur i plagosur dhe është dërguar me urgjencë në Spitalin e Fierit për ndihmë mjekësore.

Sipas informacioneve nga policia, aksidenti ka ndodhur rreth orës 12:00, kur shtetasi A. D., rreth 69 vjeç, ka humbur kontrollin e mjetit dhe është përfshirë në përplasje me një automjet tjetër, të drejtuar nga shtetasi E. G., 19 vjeç.

Drejtuesi i mjetit “Mercedes” është plagosur, por fatmirësisht është jashtë rrezikut për jetën. Grupi hetimor ndodhet në vendngjarje dhe po punon për të sqaruar shkaqet e aksidentit.