Një aksident i rëndë ka ndodhur afër urës 16-orëshe, në dalje të Rrugës së Kombit, ku automjeti tip Benz me targa AA 599TM është përplasur me një automjet tip Toyota me targa AB 023 KR, sapo ka dalë nga autostrada.

Nga aksidenti janë plagosur dy pasagjerët dhe shoferi i automjetit tip Benz, si dhe drejtuesi i automjetit tip Foristrada. Të plagosurit janë transportuar në urgjencën e Kukësit dhe janë jashtë rrezikut për jetën.

Vendi ku ka ndodhur aksidenti është i pandricuar, megjithëse ekziston një sistem ndriçimi, çka mund të ketë kontribuar në këtë ngjarje. Ky segment rrugor është shpesh burim aksidentesh, pasi lidh tre rrugë kryesore: daljen dhe hyrjen e Rrugës së Kombit, aksin Kukës-Shishtavec, dhe hyrjen në qytetin e Kukësit.

Policia dhe grupi hetimor po punojnë për të zbardhur shkaqet e këtij aksidenti.