Një aksident rrugor është regjistruar mesditën e djeshme pranë fshatit Kotë, në zonën e Drashovicës, ku janë përfshirë një automjet tip “Ford” dhe një mjet i Policisë Bashkiake të Selenicës.

Sipas të dhënave paraprake, mjeti “Ford”, i drejtuar nga shtetasi A. Zh., ka humbur kontrollin dhe është përplasur me makinën e policisë, tip “Hyundai”, e cila ishte e ndaluar në anë të rrugës për shkak të një defekti teknik.

Brenda mjetit të policisë ndodheshin dy efektivët R. K. (pasagjer) dhe T. J. (shofer), të cilët mbetën të lënduar nga përplasja. Të dy u transportuan menjëherë në spital, ku mjekët konfirmuan se janë jashtë rrezikut për jetën.

Policia ka nisur hetimet për zbardhjen e plotë të shkaqeve të aksidentit.