Një aksident rrugor ka ndodhur në aksin “Plepa – Rromonat” në qytetin e Durrësit, ku një 26-vjeçar, A. L., humbi kontrollin e automjetit që po drejtonte dhe doli nga rruga.

Si pasojë e aksidentit, u plagosën shoferi dhe dy pasagjere që ndodheshin në automjet. Të tre janë transportuar menjëherë në spital dhe sipas informacioneve nga policia, ndodhen jashtë rrezikut për jetën.

Policia ka mbërritur në vendngjarje dhe po kryen hetime për të përcaktuar shkaqet e aksidentit.