Ministri për Evropën dhe Punët e Jashtme, Ferit Hoxha, ka zhvilluar një takim me të Ngarkuarën me Punë të Shteteve të Bashkuara të Amerikës në Shqipëri, Nancy VanHorn, ku në fokus ishte bashkëpunimi mes dy vendeve dhe zhvillimet e fundit në sigurinë ndërkombëtare.

Gjatë bisedës, palët diskutuan për marrëdhëniet e forta mes Shqipërisë dhe SHBA-së, si dhe për bashkëpunimin e vazhdueshëm në fusha të ndryshme me interes të përbashkët.

Në takim u theksua gjithashtu roli i aleancës në kuadër të NATO-s, si dhe rëndësia që ka partneriteti strategjik me SHBA-në për sigurinë dhe zhvillimin e Shqipërisë.

Pjesë e diskutimit ishin edhe zhvillimet e fundit në sigurinë rajonale dhe globale, përfshirë situatën në Lindjen e Mesme. Në këtë kontekst, Shqipëria shprehu mbështetjen për përpjekjet e aleatëve për të parandaluar që Irani të sigurojë armë bërthamore apo armë të tjera të shkatërrimit në masë, si dhe për të ruajtur stabilitetin në rajon dhe më gjerë.

Po ashtu, gjatë takimit u diskutua për thellimin e mëtejshëm të bashkëpunimit mes dy vendeve, forcimin e sigurisë në rajon dhe rrugën e Shqipërisë drejt anëtarësimit në Bashkimin Evropian.