Një aksident automobilistik ka ndodhur pranë gjimnazit “Gjergj Pekmezi” në hyrje të qytetit, ku një mjet me targa greke ka përplasur një të moshuar që lëvizte me biçikletë.

I moshuari, i cili dyshohet të jetë rreth 70 vjeç dhe ishte duke transportuar qumësht, është plagosur dhe është dërguar me urgjencë në spitalin e Pogradecit, ku po merr ndihmën mjekësore.

Policia ka mbërritur në vendngjarje dhe po kryen hetimet për të zbardhur rrethanat e aksidentit. Nga informacionet paraprake, i plagosuri po lëvizte në anën e rrugës kur është goditur nga mjeti me targa greke.