Aksidenti ka ndodhur në orët e para të mëngjesit të sotëm në aksin Sarandë-Ksamil.
Viktimat udhëtonin me motor tip Honda. Njëri prej viktimave është shtetas italian i identifikuar si D.G. 24 vjeç, ndërsa viktima tjetër nuk është identifikuar ende.
Mjeti i tyre u përplas me një makinë rreth orës 03:00 të mëngjesit.
Për shkak të përplasjes humbën jetën 2 italianët, ndërsa kanë mbetur të plagosur edhe 2 persona të tjerë, një 16-vjeçar dhe një 17-vjeçar me iniciale E.R., nga Saranda. Të plagosurit janë dërguar në spital për ndihmë mjekësore.
Automjeti tip “Mercedes-Benz” drejtohej nga 17-vjeçari E.R. Rrethanat e ngjarjes dhe dinamika e aksidentit po hetohet nga policia.
Informacion paraprak i Policisë së Sarandës:
Rreth orës 03:00 të datës 24.08.2023, në aksin rrugor Sarandë-Ksamil, në vendin e quajtur “Hidrovor”, automjeti tip “Mercedes Benz”, me drejtues shtetasin E. R., 17 vjeç, është përplasur me një motomjet tip “Honda”.
Si pasojë e përplasjes kanë humbur jetën shtetasi italian D. G., 24 vjeç dhe një shtetas tjetër, ende i paidentifikuar, që udhëtonin me motomjetin tip “Honda”.
Drejtuesi i automjetit, shtetasi E. R. është dërguar në spital, bashkë me shtetasin M. R., pasagjer në automjet.
Grupi hetimor po punon për sqarimin e rrethanave të aksidentit.
