Një aksident i rëndë ka ndodhur sot në autostradën Durrës-Tiranë, ku Sabri Kreka, një i ri që pritej të festonte ditëlindjen e 20-të më 19 nëntor, ka humbur jetën tragjikisht. Automjeti që ai po drejtonte ka dalë nga rruga në afërsi të zonës së Sukthit, duke sjellë pasoja fatale.

Ngjarja ka ndodhur pas mesnate dhe dyshimet e para sugjerojnë se shpejtësia e lartë mund të ketë qenë shkaku kryesor i aksidentit. Policia dhe grupi hetimor po punojnë intensivisht për të përcaktuar rrethanat dhe shkaqet e plota të ngjarjes tragjike.

Në ndërkohë, familja dhe të afërmit e viktimës kanë hapur dyert e mortit, të goditur rëndë nga humbja e papritur, në një ditë që pritej të ishte festë për të riun.